Oʻrganish davomida Abu Rayhon Beruniy mahallasi “Tabobat” koʻchasidagi 36-sonli umumiy oʻrta ta’lim maktabi oldida joylashgan svetoforning piyodalar oʻtishidan ogohlantiruvchi tugmasi nosoz holatda ekani aniqlandi.

Yangi oʻquv yili boshlanishi munosabati bilan maktab oʻquvchilarining yoʻlni xavfsiz kesib oʻtishini ta’minlash maqsadida ushbu muammoni zudlik bilan bartaraf etish zarurligi qayd etildi.

Aniqlangan muammo yuzasidan Bogʻot tumani yoʻllardan foydalanish unitar korxonasi direktori X.Qurbonovga deputat soʻrovi yuborilib, svetoforning piyodalar tugmasini ta’mirlash yoki yangisiga almashtirish boʻyicha amaliy choralar koʻrish soʻraldi.