Xalq deputatlari tuman Kengashi raisi Sh.Eshbayev hamda deputat D.Egamqulova tomonidan A.Navoiy mahallasidagi Sayxun ko‘chasining 650 metr qismini asfaltlashtirish ishlari joyiga chiqib ko‘zdan kechirildi.

O‘rganish davomida amalga oshirilayotgan yo‘l ta’mirlash ishlarining borishi, bajarilayotgan ishlarning sifati hamda belgilangan talablarga muvofiqligi ko‘rib chiqildi.

Mazkur hududda yo‘l infratuzilmasini yaxshilash, aholiga qulay sharoit yaratish va ishlarning sifatli yakunlanishini ta’minlash masalalari deputatlar nazoratiga olindi.