Мамлакатимизда ёшларга эътибор масаласи давлат сиёсати даражасига кўтарилган бўлиб, эртамиз эгалари ўзларининг қизиқишлари бўйича ҳар томонлама қўллаб-қувватлаб келинмоқда. Хусусан, жойларда ҳокимлар ёш авлод вакиллари билан учрашувлар ўтказаётганини бунга бир мисол қилиб келтириш мумкин.

Ана шундай учрашувлардан бири Янги Наманган туманидаги Оромгох маҳалласида бўлди.

Учрашувда ёшлар томонидан бир қатор масалалар юзасидан савол ва таклифлар билдирилди. Бандлик, саломатликни тиклаш, моддий ёрдам каби масалаларда келиб тушган мурожаатлар шу ернинг ўзида ечимга келтирилди. Қолган мурожаатларнинг барчаси рўйхатга олиниб, ўрганиб чиқиш учун тегишли мутасаддиларга бириктирилди.