Bugun 2026-yil 27-mart kuni Xo‘jayli tumani hokimligining majlislar zalida Xalq deputatlari Xo‘jayli tumani Kengashining yigirma birinchi sessiyasi bo‘lib o‘tdi. Sessiyani Xalq deputatlari tumanlik Kengashi raisi I.Kochkarov boshqarib bordi, unga tuman hokimi J.Ermashev, mahalliy deputatlar, tegishli soha rahbarlari va keng jamoatchilik vakillari qatnashdi. Dastlab davlat madhiyalari yangradi. Shundan so‘ng, kun tartibida 11 ta masala ko‘rib chiqilib, ma’ruzachilarning hisobotlari tinglandi. Xususan, jamoatchilik fikri asosida "Fuqarolar tashabbus jamg‘armasi" g‘oliblar ro‘yxatini tasdiqlash, "Saxovat va ko‘mak" jamg‘armasiga tushgan mablag‘larni maqsadli va manzilli sarflash, Qq.R. Oliy Kengashiga muddatidan oldin saylov o‘tkazish bo‘yicha 37-"Suvenli" okrug saylov komissiyasi hamda uchastka saylov komissiyalari a’zoligiga nomzodlarni tavsiya etish va boshqa masalalar ko‘rib chiqildi. Kun tartibi yuzasidan deputatlar o‘z fikr va takliflarini bildirib, tegishli qarorlar qabul qilindi.