Deputat saylovchilar bilan dolzarb masalalarni muhokama qildi.  

 Xalq deputatlari Pop tuman Kengashi deputati Shamshiddin Abduraximov hududdagi 11-sonli maktab faollar
zalida saylovchilar bilan uchrashuv o‘tkazdi. 

 Uchrashuv davomida joriy yil 13–14 mart kunlari o‘tkaziladigan umumxalq hashari, shuningdek “Yashil
makon” umummilliy loyihasi doirasida amalga oshiriladigan tadbirlarda faol ishtirok etish masalalari muhokama qilindi. 

 Shu bilan birga, aholi o‘rtasida korrupsiyaga qarshi kurashishda huquqiy savodxonlikni oshirish,
fuqarolarning bu boradagi faol pozitsiyasini shakllantirish muhimligi ta’kidlandi. 

 Shuningdek, “Tashabbusli budjet” platformasi orqali mahalliy ahamiyatga ega loyihalarni ilgari surish, aholi tashabbuslarini
qo‘llab-quvvatlash va byudjet mablag‘laridan samarali foydalanish masalalari yuzasidan ham fikr almashildi. Uchrashuv yakunida saylovchilar tomonidan bildirilgan taklif va murojaatlarni deputat o‘rganib chiqish uchun qayd etdi.