Hurmatli Prezidentimiz tomonidan yoshlar bilan o‘tkazilgan uchrashuvda har haftaning payshanba kuni vazirlik, idora va hokimliklarda “Yoshlar kuni” deb e’lon qilingani yurtimizda yosh avlodga qaratilayotgan e’tiborning yana bir amaliy ifodasidir.

Mazkur tashabbus ijrosini ta’minlash maqsadida bugun Xalq deputatlari Andijon shahar Kengashi deputati, Andijon shahar hokimi Elyorbek Karimov 50-maktab bitiruvchi sinf o‘quvchilari bilan ochiq muloqot o‘tkazdi. Uchrashuv davomida yoshlarga yaratilayotgan keng imkoniyatlar, oliy ta’lim muassasalariga kirish jarayonlari, kasb-hunar egallash, tadbirkorlik faoliyatini boshlash hamda davlat dasturlari doirasidagi imtiyozlar haqida batafsil ma’lumot berildi.

Shuningdek, yoshlarning taklif va tashabbuslari tinglanib, ularni qo‘llab-quvvatlash, muammolarini hal etish yuzasidan mas’ullarga tegishli topshiriqlar berildi.

Shahar hokimi Elyorbek Karimov ushbu maktab o‘quvchisi Sevinchxon Haydarova xalqaro IELTS imtihonidan 8.5 ballni qo‘lga kiritganligi uchun samimiy tabriklab kelajakdagi o‘qish va ishlarida muvoffaqiyat tiladi.

Slide 1 of 5