Tashrif davomida u ushbu tibbiyot muassasasida aholiga yaratilgan sharoitlar, tibbiy xizmat ko‘rsatish jarayoni hamda ijtimoiy dorixonaning faoliyati bilan yaqindan tanishdi.

Deputat vrachlik punktida bemorlar uchun yaratilgan qulayliklar, tibbiy jihozlar, dori-darmonlar ta’minoti va tibbiyot xodimlarining ish faoliyatini ko‘zdan kechirdi. Shuningdek, ijtimoiy dorixonada aholiga arzon va sifatli dori vositalari yetkazib berilishi masalasiga ham alohida e’tibor qaratdi.

Tashrif yakunida Ismoil Jumaniyozov muassasa faoliyatini yanada takomillashtirish, aholiga ko‘rsatilayotgan tibbiy xizmat sifatini oshirish hamda mavjud sharoitlarni yanada yaxshilash yuzasidan o‘zining fikr-mulohazalari va takliflarini bildirib o‘tdi.