Xalq deputatlari Uzun tuman Kengashi deputatlari va viloyat Kengashi deputati M.Kadirova ishtirokida hududni ijtimoiy-iqtisodiy rivojlantirish masalalariga bag‘ishlangan uchrashuv bo‘lib o‘tdi.

Unda aholi murojaatlari asosida yo‘l-transport infratuzilmasi, ichimlik suvi, elektr ta’minoti, bandlik hamda ijtimoiy sohadagi dolzarb masalalar muhokama qilindi. Mas’ul tashkilotlar rahbarlarining axborotlari tinglanib, mavjud muammolarni bartaraf etish yuzasidan aniq vazifalar belgilab olindi.

Shuningdek, hududda tadbirkorlikni rivojlantirish, yoshlar bandligini ta’minlash va ijtimoiy himoyaga muhtoj oilalarni qo‘llab-quvvatlash bo‘yicha takliflar ilgari surildi.

Yig‘ilish yakunida ko‘tarilgan masalalar ijrosini ta’minlash hamda ularni doimiy nazoratga olish bo‘yicha kelishuvga erishildi.