Aholi murojaatlari e’tiborda: sayyor o‘rganish o‘tkazildi

Oʻzbekiston Xalq demokratik partiyasi Navoiy shahar kengashi raisi J. Hamroyev viloyat kengashi vakillari bilan hamkorlikda, Navoiy shahar Kengashi deputati B. Bazarov ishtirokida “Yoshlik” mahallasida sayyor o‘rganish o‘tkazdi.

Tashrif davomida aholi bilan ochiq va samimiy muloqot tashkil etilib, fuqarolarning muammolari, taklif va tashabbuslari tinglandi. Ayniqsa, ijtimoiy himoyaga muhtoj fuqarolarning murojaatlariga alohida e’tibor qaratildi. Jumladan, ikki nafar fuqaro sog‘lig‘i bilan bog‘liq masalada bepul davolanish uchun amaliy yordam so‘rab murojaat qildi.

Mazkur murojaatlar deputatlik so‘rovi tartibida rasmiylashtirilib, ularning ijobiy hal etilishini ta’minlash yuzasidan tegishli tashkilotlarga yo‘naltirildi. Masala bo‘yicha mutasaddi idoralar bilan hamkorlikda aniq chora-tadbirlar amalga oshirilishi belgilandi.

Partiya vakillari aholi muammolarini joyiga chiqib o‘rganish, ularni tizimli ravishda hal etish hamda ijtimoiy himoyaga muhtoj qatlamni har tomonlama qo‘llab-quvvatlash bundan buyon ham ustuvor vazifalardan biri bo‘lib qolishini ta’kidladi.