Xalq deputatlari Pastdarg'om tuman Kengashi deputati B. Sadikova tomonidan 2025-yil davlat dasturi asosida qurilgan 38-maktabning 300 o‘rinli qo‘shimcha binosi o'rganildi. O‘rganish jarayonida binodagi shart-sharoitlar, o‘quv xonalarining jihozlanishi, muhandislik-kommunikatsiya tarmoqlari holati, obodonlashtirish ishlarida bir qator kamchiliklar aniqlandi. Xususan, ayrim qurilish ishlari sifat darajasi talabga to‘liq javob bermasligi, texnik nosozliklar mavjudligi va hududni obodonlashtirish ishlarini yanada takomillashtirish zarurligi qayd etildi.

Aniqlangan holatlar yuzasidan tuman hokimiyati qurilish bo‘limi mas’ullariga deputatlik so‘rovi yuborildi. Kamchiliklarni qisqa muddatlarda bartaraf etish, binoning to‘liq va sifatli faoliyat yuritishini ta’minlash yuzasidan aniq chora-tadbirlar belgilash talab etildi.