Bu haqda xalq deputatlari Samarqand viloyati Kengashi raisi Sh.Negmatovning bugun, 7-aprelda qabul qilgan "Xalq deputatlari viloyat Kengashining yettinchi chaqiriq, o'ninchi sessiyasini chaqirish to‘g‘risida"gi Farmoyishida ma’lum qilindi.

Sessiya kun tartibida quyidagi masalalar koʻrib chiqiladi:

- Viloyatning ijtimoiy va ishlab chiqarish infratuzilmasini rivojlantirish dasturlari doirasida gaz ta’minoti tizimini yaxshilash borasida amalga oshirilayotgan ishlar yuzasidan viloyat bo‘yicha gaz ta’minoti hududiy filiali boshlig‘i A.Muxammadiyevning hisoboti;

- viloyat Ichki ishlar boshqarmasi boshlig‘ining o‘rinbosari – jamoat xavfsizligi xizmati boshlig‘i X.Umarovning 2025-yil I chorakda viloyatda jamoat xavfsizligini ta’minlash borasidagi ishlar, jamoat xavfsizligini ta’minlovchi va unda ishtirok etuvchi subyektlar bilan hamkorlikda amalga oshirilgan ishlar to‘g‘risidagi hisoboti;

- O‘zboshimchalik bilan egallab olingan yer uchastkalari hamda ularda qurilgan binolar va inshootlarga bo‘lgan huquqlarni e’tirof etish to‘g‘risida;

- Samarqand viloyati Bulung‘ur tumanini jadal kompleks rivojlantirish dasturi doirasida amalga oshiriladigan loyihalarni moliyalashtirish to‘g‘risida;

viloyat mahalliy byudjetining qo‘shimcha manbalaridan foydalanish to‘g‘risida;

- viloyat hokimining 2025-yil 27-martdagi “Viloyat mahalliy byudjetining qo‘shimcha manbalaridan foydalanish to‘g‘risida” 93-7-0-Q/25-son qarorini tasdiqlash to‘g‘risida;

- yuridik shaxslarning mol-mulk solig‘i, yer solig‘i va suv resurslaridan foydalanganlik uchun soliq to‘lash muddatini kechiktirish (bo‘lib-bo‘lib to‘lash) to‘g‘risida;

- xalq deputatlari Samarqand viloyat Kengashi kotibiyati faoliyatini takomillashtirish chora-tadbirlari to‘g‘risida;

- xalq deputatlari Samarqand viloyati Kengashining yig‘ma jildlar nomenklaturasini tasdiqlash to‘g‘risida;

- boshqa masalalar.