Malikobod aholisi bilan ochiq muloqot

O‘zbekiston Ekologik partiyasidan saylangan Qiziltepa tuman Kengashi deputati G'.Safarov Malikobod aholisi bilan ochiq muloqot o‘tkazdi.

Uchrashuvda deputatlik faoliyati davomida amalga oshirgan ishlar, aholining dolzarb muammolarini hal qilishdagi sa’y-harakatlari, ijtimoiy-iqtisodiy manfaatlarni ilgari surish yo‘lidagi tashabbuslari haqida batafsil ma’lumot berdi.

Muloqot chog‘ida bir qancha muhim masalalar ko‘tarildi, xususan: qishloq xo‘jaligi, mahallada tozalikni ta’minlash hamda maktablarda fan va ijodiy to‘garaklar sonini ko‘paytirish, sport murabbiylarini jalb etish orqali sog‘lom turmush tarzini keng targ‘ib qilish.

Fuqarolarning ko‘plab murojaatlari shu yerning o‘zida tinglanib, bir qatoriga joyida amaliy yechim topildi. Deputat ayrim murojaatlarni shaxsiy nazoratiga oldi va ularni mutasaddi tashkilotlar bilan hamkorlikda hal qilish uchun aniq choralarni belgilab oldi.