Xalq deputatlari Chinoz tumanI Kengashining Xalq deputatlari Chinoz tumani Kengashining Agrar, suv xo‘jaligi va ekologiya masalalari bo‘yicha doimiy komissiyasining majlisi bo‘lib o‘tdi.

    Majlis kun tartibidan o‘rin olgan masala O‘zbekiston Respublikasi Prezidentining 2021-yil 30-dekabrdagi “Respublikada ko‘kalamzorlashtirish ishlarini jadallashtirish, daraxt muhofazasini yanada samarali tashkil etish chora-tadbirlari to‘g‘risida” PF-46-son Farmoni hamda 2023-yil 23-noyabrdagi “Respublikasida yashillik darajasini yanada oshirish, “Yashil makon” umummilliy loyihasini izchil amalga oshirish orqali ekologik barqarorlikni ta’minlash chora-tadbirlari to‘g‘risida” PF-199-son Farmonlari ijrosi bo‘yicha Chinoz tumanida 2024-yil kuz mavsumida bajarilgan ishlar hamda 2025-yil bahor mavsumida amalga oshirilishi rejalashtirilgan tadbirlar to‘g‘risida tuman hokimining o‘rinbosari hamda Chinoz tumani Ekologiya va atrof muhitni muhofaza qilish, iqlim o‘zgarishi bo‘limi boshlig‘ining hisoboti eshitildi.

    Kun tartibidagi masala muhokamasida deputatlar D.Teshabayev, R.Raxmatov, E.Saidovlar so‘zga chiqib, o‘zlarining savol, taklif va fikr-mulohazalarini bildirib o‘tdilar.

    Doimiy komissiya majlisi yakunida kun tartibidagi masala bo‘yicha bildirilgan takliflar va fikr-mulohazalarni inobatga olib, Xalq deputatlari Chinoz tumani Kengashining navbatdagi sessiyasi kun tartibiga kiritish to‘g‘risida xulosa qilindi hamda tegishli hujjatlar qabul qilindi.

Xalq deputatlari Chinoz tumani Kengashi deputati Rustamjon Raxmatov