#kunlik_ish_reja_ijrosi
#deputat_faoliyati
#kotibiyat_xodimi
#Biriktirilgan_tashkilot
#162_qonun
#doimiy_komissiya

Bandixon tumanida deputatlik nazorati: 1-sonli DMTTda ta’lim sifati va bolalar ovqatlanishi o‘rganildi

✅Bandixon tumanida maktabgacha ta’lim tizimini rivojlantirish, tarbiyalanuvchilar uchun xavfsiz va shinam sharoitlarni barpo etish hamda sohaga oid qonunchilik hujjatlarining amaldagi ijrosini ta’minlash borasida izchil deputatlik nazorati amalga oshirilmoqda.

✅Xalq deputatlari Bandixon tumani Kengashi deputati I.A.Xalmatov hamda tuman Kengashi bosh mutaxassisi E.Eshonqulov tumandagi 1-sonli Davlat maktabgacha ta’lim tashkilotiga tashrif buyurib, nazorat-tahlil ishlarini o‘tkazdilar.

✅Tashrif O‘zbekiston Respublikasining “Maktabgacha ta’lim va tarbiya to‘g‘risida”gi Qonunida belgilangan me’yorlar ijrosi doirasida tashkil etildi. Monitoring davomida guruh xonalarining jihozlanishi, metodik mashg‘ulotlarning o‘tkazilishi, kunlik ovqatlanish ratsionining sifati, oziq-ovqat mahsulotlarining saqlanishi va sanitariya-gigiyena talablariga rioya etilishi holati ko‘zdan kechirildi.

✅O‘rganishlar yakunida bog‘chada ta’lim va tarbiya jarayonlarini yanada takomillashtirish, taomlar ratsioni xavfsizligini ta’minlash hamda innovatsion ta’lim texnologiyalaridan unumli foydalanish yuzasidan muassasa rahbariyatiga tegishli vazifalar topshirildi.