#24_masala
✅Котибият "Иш режа асосида“
🏥 “Сифатли тиббиёт — халқ фаровонлигига қаратилган сиёсатнинг амалий ифодаси”
Халқ депутатлари Наманган тумани Кенгашининг 8-Анжирзор сайлов округи депутати Эркин Юсупов, Кенгаш котибияти бош мутахассислари О. Юсупов ва М. Қурбанов томонидан Бўстон МФЙдаги 13-оилавий поликлиникада аҳолига яратилган шарт-шароитлар, тиббий хизмат сифати ва муассасанинг моддий-техник имкониятлари жойига чиққан ҳолда ўрганилди.
Ташриф давомида тиббиёт муассасасида беморлар учун яратилган қулайликлар, дори-дармон таъминоти, тиббий хизматларнинг ўз вақтида ва сифатли кўрсатилиши ҳамда тиббиёт ходимларининг аҳоли мурожаатларига муносабати атрофлича таҳлил қилинди.
Шунингдек, фуқаролар билан бевосита мулоқот ўтказилиб, уларнинг соғлиқни сақлаш тизимига оид фикр-мулоҳазалари ва таклифлари тингланди. Кўтарилган масалаларни тизимли ҳал этиш ва тиббий хизмат сифатини янада ошириш бўйича тегишли таклифлар шакллантирилди.
Инсон қадрини улуғлаш ва аҳоли саломатлигини таъминлаш — давлат сиёсатининг устувор йўналиши сифатида ҳар бир ҳудудда амалий ишлар орқали ўз ифодасини топмоқда. Депутатлик назорати эса ушбу жараённинг самарадорлигини таъминлашда муҳим ўрин тутади.