Mazkur jarayon O‘zbekiston Respublikasining “Keksalar, nogironligi bo‘lgan shaxslar va aholining boshqa ijtimoiy ehtiyojmand toifalari uchun ijtimoiy xizmatlar to‘g‘risida”gi Qonuni, 2016-yil 26-dekabrdagi O‘RQ-415-son Qonuni talablari ijrosi hamda deputat faoliyatining ustuvor yo‘nalishlari bo‘yicha kunlik ish rejasining 5-bandiga asosan tashkil etildi.
O‘rganish davomida mahallada ijtimoiy xizmatlarni tashkil etish darajasi, ijtimoiy xodim tomonidan amalga oshirilayotgan ishlar, fuqarolarning ehtiyojlarini o‘rganish va aniqlangan muammolarni bartaraf etish bo‘yicha ko‘rilayotgan choralar atroflicha ko‘rib chiqildi.
Ayniqsa, keksalar, nogironligi bo‘lgan shaxslar, yolg‘iz yashovchi fuqarolar va ijtimoiy ko‘makka ehtiyoji mavjud oilalar bilan individual ishlash, ularning sharoitini o‘rganish hamda zarur xizmatlarni manzilli ravishda yetkazib berish masalalariga e’tibor qaratildi.
Shuningdek, kam ta’minlangan oilalarni aniqlash, ularga belgilangan ijtimoiy nafaqa va moddiy yordamlarni tayinlash, fuqarolarning murojaatlarini ko‘rib chiqish hamda muammoli holatlar bo‘yicha amaliy yordam ko‘rsatish jarayonlari tahlil qilindi.
Mahalladagi ijtimoiy himoyaga muhtoj fuqarolarni qo‘llab-quvvatlash, ularning davlat tomonidan ko‘rsatilayotgan ijtimoiy xizmatlardan foydalanish imkoniyatlarini kengaytirish va yordamlarni o‘z vaqtida yetkazish borasidagi ishlarning samaradorligi ham o‘rganildi.
Yakuniy natijalar asosida ijtimoiy xizmatlar ko‘rsatish sifatini yanada yaxshilash, ehtiyojmand fuqarolar bilan manzilli ishlashni kuchaytirish, kam ta’minlangan oilalarga ijtimoiy yordamlarni o‘z vaqtida yetkazish hamda mavjud muammolarni tizimli hal etish yuzasidan tegishli tavsiya va takliflar belgilab olindi.