Xalq deputatlari Qumqo‘rg‘on tuman Kengashiga 19-“Munchoqtepa” saylov okrugidan saylangan deputat Sh. Mamadiyev hamda tuman Kengashi Kotibiyati bosh mutaxassisi T. Gulmatov tomonidan saylov okrugi hududiga qarashli “Hunarmandlar” mahallasida amalga oshirilayotgan ishlar joyiga chiqib o‘rganildi.
O‘rganish davomida mahalla aholisi tomonidan ichki ko‘chalar chetlarini betonlash, ariq-zovurlarni tozalash, hududlarni obodonlashtirish va ko‘kalamzorlashtirish borasida olib borilayotgan ishlar ko‘zdan kechirildi.
Shuningdek, mavjud daraxtlarni oqlash va shakl berish, yashil hududlarni kengaytirish hamda mahalla ko‘chalarining yanada fayzli va ozoda ko‘rinishga keltirilishiga alohida e’tibor qaratilayotgani qayd etildi.
Bunday obodonlashtirish ishlari, avvalo, mahalla aholisi tashabbusi va hamjihatligi asosida amalga oshirilayotgani bilan ahamiyatlidir. Hududning obodligi va tozaligi esa aholi uchun qulay hamda munosib yashash muhitini yaratishga xizmat qiladi.
Obod mahalla — farovon hayot garovi!