Xalq deputatlari Muzrabot tumani Kengashining 19-«Qizilolma» saylov okrugidan saylangan deputat Artikova Umida hamda tuman Kengashi kotibiyati bosh mutaxassisi B. Xoliqov ishtirokida «Olmazor» mahalla fuqarolar yig‘inida navbatdagi ko‘chama-ko‘cha o‘rganish tadbirlari o‘tkazildi.

O‘rganish jarayonlari mahalliy Kengash deputatlari faoliyatining ustuvor yo‘nalishlarini qamrab olgan 24 ta tavsiya asosida tashkil etildi. Xonadonlarga tashrif davomida aholining bandligi, tomorqalardan samarali foydalanish, ijtimoiy himoyaga muhtoj oilalarning yashash sharoiti, kommunal xizmatlar sifati, ichimlik suvi va elektr energiyasi ta’minoti, yo‘l infratuzilmasi, obodonlashtirish ishlari hamda mahallada amalga oshirilayotgan bunyodkorlik loyihalari yuzasidan holat o‘rganildi.

Ko‘chama-ko‘cha o‘rganish yakunida aniqlangan muammolar deputatning maxsus nazorat jurnaliga qayd etildi. Har bir murojaat yuzasidan mas’ul idora va tashkilotlarga deputatlik so‘rovlari hamda tegishli topshiriqlar kiritilishi, ularning ijrosi deputatlik nazorati asosida muntazam monitoring qilinishi va fuqarolarni qanoatlantiradigan amaliy yechimlarga erishish bo‘yicha zarur choralar ko‘rilishi belgilandi.