Uchrashuv davomida aholining murojaat va takliflari tinglanib, hududdagi mavjud muammolar joyida o‘rganildi.

O‘rganish jarayonida Jahongir ko‘chasining 1 kilometr qismida piyodalar yo‘lakchasi barpo etish zarurligi bo‘yicha taklif bildirildi. Mazkur yo‘lakcha aholining, ayniqsa, piyodalar va yoshlarning xavfsiz hamda qulay harakatlanishiga xizmat qiladi.

Aniqlangan muammoni bartaraf etish yuzasidan tegishli tashkilotlarga deputatlik so‘rovi yuborish belgilandi. Murojaatning ijrosi va natijasi deputat E. Sapaeva tomonidan nazoratga olindi.