Prezident Shavkat Mirziyoyev raisligida yoqilg‘i-energetika tarmog‘ining ustuvor vazifalariga bag‘ishlangan videoselektor yig‘ilishida aholini suyultirilgan gaz bilan uzluksiz ta’minlash masalasiga alohida e’tibor qaratildi.
✔️Yig‘ilishda ijtimoiy reyestrga kiritilgan oilalarga suyultirilgan gaz xaridi uchun subsidiya ajratilishi, yil yakuniga qadar “Andijon tajribasi” asosida yangi tizim joriy etilishi hamda suyultirilgan gaz ishlab chiqarish hajmini 606 ming tonnaga yetkazish bo‘yicha vazifalar belgilandi.
✔️Shuningdek, aholining ehtiyojidan kelib chiqib turli hajmdagi gaz ballonlarini joriy etish, suyultirilgan gazni tashish, saqlash va tarqatish tizimini xalqaro standartlar asosida takomillashtirish ko‘zda tutilmoqda.
✔️Bu tashabbuslar, avvalo, aholining energiya resurslariga bo‘lgan ehtiyojini to‘liq qondirish, ijtimoiy himoyaga muhtoj oilalarni qo‘llab-quvvatlash hamda gaz ta’minoti tizimining samaradorligini oshirishga xizmat qiladi. Belgilangan vazifalarning hududlarda sifatli va o‘z vaqtida amalga oshirilishi ustidan deputatlik nazorati izchil davom ettiriladi.