#qonunchilikdagi_yangiliklar #162_ta_eng_muhim_qonun #poytaxtdeputatlari #deputatlik_faoliyati

❗️ Mahalliy Kengashlar doimiy komissiyalari kesimidagi eng muhim qonunlar

🏛 Agrar, suv xo‘jaligi va ekologiya masalalari bo‘yicha doimiy komissiya faoliyatida hayvonot va o‘simlik dunyosini muhofaza qilish, biologik xilma- asrash, ekologik muvozanatni ta’minlash hamda tabiiy resurslardan oqilona foydalanishga qaratilgan qonun hujjatlarini chuqur o‘rganish muhim ahamiyat kasb etadi.

📝 Tabiat asrab-avaylash, noyob flora va fauna turlarini muhofaza qilish, o‘rmon fondini kengaytirish, o‘simliklar va hayvonlar salomatligini ta’minlash hamda ekologik qonunchilikka rioya etilishi ustidan nazoratni kuchaytirish bugungi islohotlarning muhim yo‘nalishlaridan biridir.

📁 Hayvonot va o‘simlik dunyosi sohasi bo‘yicha o‘rganilishi lozim bo‘lgan muhim qonunlar:

📝 “Hayvonot dunyosini muhofaza qilish va undan foydalanish to‘g‘risida”gi O‘zbekiston Respublikasining Qonuni (yangi tahrir)

📆 №O‘RQ-408 | Qabul qilingan sana: 19.09.2016

🔺 Mazkur qonun hayvonot dunyosini muhofaza qilish, biologik xilma-xillikni saqlash va yovvoyi hayvonlardan oqilona foydalanishning huquqiy asoslarini belgilaydi.

📝 “Hayvonlarni identifikatsiya qilish, ro‘yxatga olish va kuzatish to‘g‘risida”gi O‘zbekiston Respublikasining Qonuni

📆 №O‘RQ-1079 | Qabul qilingan sana: 06.08.2025

🔺 Ushbu qonun hayvonlarni identifikatsiya qilish, ularni yagona hisobga olish va kuzatish tizimini joriy etish orqali veterinariya xavfsizligi hamda epizootik barqarorlikni ta’minlashga xizmat qiladi.

📝 “O‘simlik dunyosini muhofaza qilish va undan foydalanish to‘g‘risida”gi O‘zbekiston Respublikasining Qonuni (yangi tahrir)

📆 №O‘RQ-409 | Qabul qilingan sana: 21.09.2016

🔺 Mazkur qonun o‘simlik dunyosini muhofaza qilish, tabiiy o‘simlik resurslaridan oqilona foydalanish va biologik xilma-xillikni saqlashning huquqiy asoslarini belgilaydi.

📝 “O‘simliklarni himoya qilish to‘g‘risida”gi O‘zbekiston Respublikasining Qonuni

📆 №O‘RQ-877 | Qabul qilingan sana: 09.11.2023

🔺 Qonun qishloq xo‘jaligi ekinlari va o‘simliklarni kasalliklar, zararkunandalar hamda begona o‘tlardan himoya qilish, hosildorlikni oshirish va fitosanitar xavfsizlikni ta’minlashga qaratilgan.

📝 “O‘simliklar karantini to‘g‘risida”gi O‘zbekiston Respublikasi Qonuni (yangi tahrir)

📆 №O‘RQ-484 | Qabul qilingan sana: 09.07.2018

🔺 Ushbu qonun karantin ostidagi zararli organizmlarning tarqalishining oldini olish, fitosanitar nazoratni kuchaytirish va o‘simlik resurslarini muhofaza qilishga xizmat qiladi.

📝 “O‘rmon to‘g‘risida”gi O‘zbekiston Respublikasining Qonuni (yangi tahrir)

📆 №O‘RQ-475 | Qabul qilingan sana: 16.04.2018

🔺 Mazkur qonun o‘rmon fondini muhofaza qilish, ko‘paytirish, tiklash hamda o‘rmon resurslaridan barqaror va oqilona foydalanishning huquqiy asoslarini belgilaydi.

📝 O‘zbekiston Respublikasining Ma’muriy javobgarlik to‘g‘risidagi kodeksi

📆 VIII, IX va X boblar

🔺 Mazkur normalar ekologiya, atrof-muhitni muhofaza qilish, tabiatdan foydalanish, sanoat, qurilish, energetika, qishloq xo‘jaligi hamda veterinariya sohalarida qonunchilik talablarini buzganlik uchun ma’muriy javobgarlik choralarini belgilaydi.

💡 Ushbu qonun hujjatlarini puxta o‘rganish mahalliy Kengash deputatlariga hayvonot va o‘simlik dunyosini muhofaza qilish, ekologik muvozanatni saqlash, biologik xilma- asrash, fitosanitar va veterinariya xavfsizligini ta’minlash hamda tabiiy resurslardan oqilona foydalanishga qaratilgan islohotlarni samarali qo‘llab-quvvatlashda muhim huquqiy asos bo‘lib xizmat qiladi.

📱 Telegram 📱 Instagram 📱 Facebook 📱 YouTube 🔎 E-kengash