🏛Sessiya kun tartibidagi masala deputatlar tomonidan o‘rganildi

📌 Xalq deputatlari Sherobod tumani Kengashi kotibiyati mudiri O. Tursunov hamda bosh mutaxassisi Sh. Xo‘janazarov hamkorligida Xalq deputatlari Sherobod tumani Kengashining navbatdagi 25-sessiyasi kun tartibiga kiritilgan masala yuzasidan tuman Tibbiyot birlashmasida o‘rganish ishlari amalga oshirildi.

🔎 O‘rganish jarayonida “Tumanda aholi salomatligini saqlash borasida 2026 yilning birinchi yarim yilligi davomida amalga oshirilgan ishlar to‘g‘risida”gi masala atroflicha ko‘rib chiqildi.

📋 Jarayon davomida tumanda aholiga tibbiy xizmat ko‘rsatish sifatini oshirish, sog‘liqni saqlash sohasida amalga oshirilayotgan ishlar, mavjud muammolar va ularning yechimi yuzasidan ko‘rilayotgan chora-tadbirlar tahlil qilindi.

Shuningdek, fuqarolar murojaatlari bilan ishlash holati, murojaatlarda ko‘tarilgan masalalarning o‘z vaqtida va sifatli ko‘rib chiqilishi hamda ular ijrosini ta’minlash borasida amalga oshirilayotgan ishlar o‘rganildi.

✅ O‘rganish natijalari, bildirilgan taklif va tavsiyalar Xalq deputatlari Sherobod tumani Kengashining navbatdagi sessiyasida muhokama qilinadi.