Xalq deputatlari Samarqand viloyati Kengashi kotibiyati tomonidan shahar va tuman Kengashlari kotibiyatlari rahbarlari hamda mutaxassislari bilan Zoom platformasi orqali navbatdagi yig‘ilish tashkil etildi.

✅ Yig‘ilishda viloyat Kengashi kotibiyati mudiri S. Usmonov va mutaxasislari tomonidan hududlarda olib borilayotgan ishlar, deputatlik nazorati tadbirlari, Kengash faoliyati bugungi holati yuzasidan tahliliy ma’lumotlar tahlil etildi.

📝 Muloqot davomida deputatlar joylardagi o‘rganishlari natijadorligi, deputat so‘rovlari bo‘yicha olib borilayotgan nazorat ishlari, yarim yillik faoliyat yakunlariga bag‘ishlangan brifinglarni tashkil etish masalalari muhokama qilindi.

🌐 Kengashlar va deputatlar faoliyatini ijtimoiy tarmoqlarda yoritish, e’lon qilinayotgan materiallarning mazmuni, ishonchliligi, foto va ma’lumotlarning haqqoniyligi, rasmiy sahifalarni yuritish sifati yuzasidan tahlillar o‘tkazildi.