Xalq deputatlari Shovot tumani Kengashi kotibiyati mudiri
I.Masharipov tomonidan “Tashabbusli budjet” jarayonlarining 2026-yil 1-mavsumi yakunlariga ko‘ra g‘olib deb topilgan loyihalarning amalga oshirilish holati yuzasidan monitoring o‘tkazildi.
O‘rganish davomida tuman hokimligi Iqtisodiyot va moliya bo‘limining Mahallalarning moliyaviy ta’minotini tashkil etish va “Tashabbusli budjet” jarayonlarini muvofiqlashtirish sho‘basi bosh mutaxassisi M.Qurbonov tomonidan olib borilayotgan ishlar, g‘olib loyihalarning moliyalashtirilishi, ularning ijro holati hamda belgilangan muddatlarda sifatli amalga oshirilishini ta’minlash yuzasidan ko‘rilayotgan chora-tadbirlar atroflicha ko‘rib chiqildi.
Monitoring jarayonida har bir loyiha bo‘yicha bajarilgan ishlar tahlil qilinib, mavjud muammolar va ularni bartaraf etish bo‘yicha tegishli tavsiya hamda topshiriqlar berildi. Shuningdek, fuqarolar tomonidan ilgari surilgan tashabbuslarning o‘z vaqtida va sifatli amalga oshirilishi ustidan deputatlik nazoratini yanada kuchaytirish zarurligi ta’kidlandi.
Xalq deputatlari Shovot tumani Kengashi tomonidan “Tashabbusli budjet” loyihalarining ochiqlik, shaffoflik va samaradorlik tamoyillari asosida amalga oshirilishi hamda ajratilgan mablag‘larning maqsadli sarflanishi ustidan nazorat ishlari izchil davom ettiriladi.