Búgin Xalıq deputatları Taxtakópir rayonlıq Keńesine Xalıq demokratıyalıq partıyasınan deputat, rayon hákimi J.Adilov tárepinen puqaralardıń múrájatların qabıllaw, olardıń usınıs hám pikirlerin tıńlaw maqsetinde gezektegi jeke tártiptegi qabıllaw ótkerildi.
Qabıllaw barısında puqaralar tárepinen ishimlik hám aqaba suw máselesi, bántligin támiyinlew, máhálle infrastrukturaların rawajlandırıw hám basqa da bir qatar jeke hám sociallıq áhmiyetke iye máseleler boyınsha múrájatlar bildirildi.
Bildirilgen múrájatlardıń ayırımları sol orınnıń ózinde sheshimin tawıp, úyrenip shıǵılıwı ushın waqıt talap etetuǵın múrájatlar boyınsha juwapker qánigelerge tapsırmalar berildi.