Xalq deputatlari Pastdarg‘om tuman Kengashi kotibiyat mudiri F. Xolmuratova hamda 15-Mustaqillik saylov okrugi deputati J. Ochilov Temirxo‘ja mahallasida bo‘lib, hududdagi dolzarb muammolar bilan tanishdi.

O‘rganish jarayonida aniqlanishicha, 1967-yilda qurilgan suv inshootining yaroqsiz holga kelib qolganligi natijasida mahallaning qariyb 80 foiz xonadonlari ichimlik suvi ta’minotida uzilishlarga duch kelmoqda.

Mazkur muammo aholi turmush darajasiga salbiy ta’sir ko‘rsatayotgani inobatga olinib, uni tezkorlik bilan bartaraf etish maqsadida tegishli tashkilotlarga deputatlik so‘rovi chiqarish rejalashtirildi.

Shuningdek, mavjud muammoni tizimli hal etish, infratuzilmani yangilash hamda aholiga barqaror ichimlik suvi yetkazib berishni ta’minlash yuzasidan zarur choralar ko‘rish bo‘yicha takliflar bildirildi.