Xalq deputatlari Qo‘qon shahar Kengashi 13-“Misgarlik” saylov okrugi deputati M.Aminova tomonidan “Misgarlik” mahallasida ayollari bilan kredit olish va ishga joylashtirish xaqida uchrashuv bo'lib o'tdi.

 Uchrashuv davomida ayollarning bandligini ta’minlash, ularni tadbirkorlik faoliyatiga jalb etish, imtiyozli kreditlardan foydalanish tartibi hamda mavjud imkoniyatlar yuzasidan batafsil tushuntirishlar berildi.

 Shuningdek, kasb-hunar o‘rganish orqali doimiy daromad manbai yaratish, oilaviy biznesni yo‘lga qo‘yish va o‘zini o‘zi band qilish masalalari muhokama qilindi. Ishtirokchilar o‘zlarini qiziqtirgan savollarga mutaxassislardan javob oldilar.

 Tadbir yakunida xotin-qizlarni qo‘llab-quvvatlash, ularning iqtisodiy faolligini oshirish hamda yangi ish o‘rinlarini yaratishga qaratilgan amaliy chora-tadbirlar belgilandi.

Bundan tashqari fuqaro S.Ismoilov salomatligi bilan bog‘liq holat o‘rganildi. O‘rganish jarayonida fuqaroning sog‘lig‘i, tibbiy ko‘rikdan o‘tishi hamda zarur davolanish choralarini tashkil etish masalalari ko‘rib chiqildi. Mutasaddilar tomonidan uning holatidan kelib chiqib, tegishli tibbiy va ijtimoiy yordam ko‘rsatish yuzasidan aniq vazifalar belgilab olindi.

Xalq deputatlari Qo‘qon shahar Kengashi