Xalq deputatlari Kosonsoy tuman Kengashining “6-Gulbog‘” saylov okrugi deputati Ramazonova Shaxribonu hududdagi “Bog‘i Baland” mahalla fuqarolar yig‘ini yettiligi faoliyatini o‘rgandi.

📥O‘rganish jarayonida mahallada aholi muammolarini bartaraf etish, ijtimoiy-iqtisodiy holatni yaxshilash, obodonlashtirish ishlarini tashkil etish hamda fuqarolar bilan ishlash samaradorligiga alohida e’tibor qaratildi.

 🏦Shuningdek, “yettilik” tomonidan olib borilayotgan ishlar, aholi murojaatlarini o‘z vaqtida ko‘rib chiqish va ularni hal etish borasidagi amaliy chora-tadbirlar tahlil qilindi.

🌐Deputat tomonidan aniqlangan kamchiliklarni bartaraf etish, mavjud muammolarga yechim topish va mahalladagi ishlarni yanada samarali tashkil etish bo‘yicha tegishli tavsiyalar berildi. Shu bilan birga, aholi bilan ochiq muloqot o‘tkazilib, ularni qiynayotgan masalalar o‘rganildi hamda mas’ul tashkilotlar bilan hamkorlikda hal etish yuzasidan vazifalar belgilab olindi.