Xalıq deputatları Taxtakópir rayonlıq Keńesine “Adolat” SDPdan deputat Kazakov Ozadbay Ruzimovich tárepinen “Aydın jol” MPJ Muximiy kóshesinde jasawshı puqara J.Autievtiń múrájatı ornında úyrenildi.

Múrájatda J.Autiev kóshesinen ótip turǵan elektr sımlarına terekler ósip, olarǵa tiyip turǵanlıǵı sebepli puqaralardıń ómirine qáwip payda bolıp atırǵanı aytılǵan.

Bul máseleni sheshiw maqsetinde deputat tárepinen Taxtakópir RET baslıǵı atına tereklerdi tártipke keltiriw boyınsha deputat sorawı jiberilgen edi.

Nátijede, Taxtakópir rayonlıq elektr tarmaqları kárxanası tárepinen Muximiy kóshesindegi elektr sımlarına tiyip turǵan terekler tártipke keltirildi hám puqaranıń múrájatı unamlı sheshildi.