Xalq deputatlari Paxtakor tuman kengashi deputati Dilbar Do‘squlova Nurli Pangat mahallasida bo‘lib, fuqarolar bilan bevosita muloqot o‘tkazdi hamda ularning murojaatlarini tingladi. Uchrashuv davomida aholini qiynayotgan masalalar o‘rganilib, ularni hal etish yuzasidan tegishli tavsiyalar berildi.

Shuningdek, deputat mahalla “yettiligi” faoliyati bilan yaqindan tanishib, amalga oshirilayotgan ishlar, mavjud muammolar va kelgusidagi rejalar yuzasidan fikr almashdi. Mahallada olib borilayotgan ijtimoiy ishlar, aholi bandligini ta’minlash hamda ijtimoiy himoyaga muhtoj oilalarni qo‘llab-quvvatlash borasidagi ishlar alohida e’tiborga olindi.

Uchrashuv yakunida fuqarolar murojaatlari bo‘yicha tegishli tashkilotlar bilan hamkorlikda amaliy choralar ko‘rilishi va bu masalalar deputat nazoratida bo‘lishi ta’kidlandi.