Hududlarda tashkil etilgan xayriya hasharida Xalq deputatlari shahar Kengashi deputati M.Atayeva faol qatnashib, mahalla hududini obodonlashtirish, atrof-muhit tozaligini ta’minlash hamda hududning yanada ko‘rkam va fayzli bo‘lishiga qaratilgan ishlarda bevosita ishtirok etdi. Hashar davomida hududlarni tartibga keltirish, tozalash, yashil maydonlarni parvarishlash hamda obodonlashtirish ishlari amalga oshirildi. 

Deputat M.Atayevaning bunday ezgu tadbirlardagi ishtiroki aholi bilan yaqin hamkorlikni yanada mustahkamlash, hududdagi mavjud muammolarni joyida o‘rganish va ularni hal etish bo‘yicha amaliy ishlarni kuchaytirishga xizmat qiladi. Xayriya hashari esa mahallada hamjihatlik, birdamlik, mehr-oqibat va saxovat muhitini yanada mustahkamlaydi. 

Bu kabi xayrli tadbirlar yurtimiz obodligi, mahallalar ravnaqi va aholi farovonligini ta’minlash yo‘lida muhim ahamiyat kasb etadi.