Nogironligi bo‘lgan shaxslar uchun yaratilgan imtiyozlar holati o‘rganildi
Xalq deputatlari Jondor tumani Kengashi deputati I. Xolov hamda tuman Kengashi kotibiyati bosh mutaxassisi J. Norov hamkorligida Romish mahallasida nogironligi bo‘lgan shaxslarga davlat tomonidan belgilangan imtiyozlarning amalda to‘g‘ri va qonuniy qo‘llanilishi holati o‘rganildi.
🔵O‘rganish davomida nogironligi bo‘lgan fuqarolarning davlat tomonidan kafolatlangan huquq va manfaatlari, ularga taqdim etilayotgan ijtimoiy ko‘mak va imtiyozlardan foydalanish imkoniyatlari hamda mavjud muammolariga alohida e’tibor qaratildi.
🔵Shuningdek, fuqarolarning murojaatlari tinglanib, ularni qiynayotgan masalalarni qonunchilikda belgilangan tartibda hal etish, ijtimoiy himoya choralarining manzilliligi va samaradorligini ta’minlash yuzasidan tegishli tavsiyalar berildi.
🔵Deputat I. Xolov ta’kidlaganidek, nogironligi bo‘lgan shaxslarning huquq va manfaatlarini himoya qilish, ular uchun yaratilgan imtiyozlarning to‘liq va to‘g‘ri qo‘llanilishini ta’minlash deputatlik nazoratining muhim yo‘nalishlaridan biridir.
🔵Bunday o‘rganishlar fuqarolarning qonuniy huquqlarini ta’minlash, ijtimoiy himoyaga muhtoj qatlamlarni qo‘llab-quvvatlash hamda aniqlangan muammolarni joyida hal etishga xizmat qiladi.