Xalq deputatlari Qo‘qon shahar Kengashi raisi O‘.Tojiyeva hamda shahar Kengashi kotibiyati mudiri A.Nosirov ishtirokida Tug‘onboshi ko‘chasi 23-uyda istiqomat qiluvchi fuqaro Sh.Yusupovaning uy-joyni ta’mirlash masalasi yuzasidan yo‘llagan murojaati joyiga chiqqan holda o‘rganildi.

O‘rganish jarayonini tashkil etishda Xalq deputatlari Qo‘qon shahar Kengashi kotibiyat bosh mutaxassisi A.Adhamov ishtirok etib, amaliy ko‘mak ko‘rsatdi.

O‘rganish davomida fuqaroning yashash sharoiti, amalga oshirilgan ta’mirlash ishlari hamda mavjud kamchiliklar atroflicha ko‘zdan kechirildi. Xususan, “Saxovat va ko‘mak” jamg‘armasi mablag‘lari hisobidan ehtiyojmand oilalarning uy-joylarini ta’mirlash bo‘yicha bajarilgan ishlar joyida tahlil qilindi.

Aniqlangan kamchiliklar yuzasidan mas’ul tashkilotlar vakillariga tegishli ko‘rsatmalar berilib, ularni qisqa muddatlarda bartaraf etish choralari ko‘rildi. Murojaatda ko‘tarilgan masalalar deputatlik nazoratiga olinib, ularning sifatli va o‘z vaqtida hal etilishi yuzasidan zarur tavsiyalar berildi.

Xalq deputatlari Qo‘qon shahar Kengashi