Mustaqillik MFYda fuqarolar murojaatlari va hokim yordamchisi faoliyati o‘rganildi

Xalq deputatlari Termiz tuman Kengashi kotibiyati bosh mutaxassisi K. Abdullayeva tomonidan "Mustaqillik" MFY hududida fuqarolarning murojaatlari joyiga chiqqan holda uyma-uy o‘rganildi.

O‘rganish jarayonida aholini qiynab kelayotgan dolzarb masalalar tinglanib, murojaatlarning mazmuni tahlil qilindi hamda ularni qonuniy hal etish yuzasidan tegishli mas’ullarga tavsiyalar berildi.

Shuningdek, mahalladagi hokim yordamchisi faoliyati ham o‘rganilib, aholi bandligini ta’minlash, tadbirkorlikni rivojlantirish, kambag‘allikni qisqartirish va fuqarolar bilan ishlash borasida amalga oshirilayotgan ishlar tahlil qilindi. Aniqlangan kamchiliklarni bartaraf etish hamda belgilangan vazifalar ijrosini samarali tashkil etish yuzasidan tegishli tavsiyalar berildi.

Bunday joylardagi o‘rganishlar fuqarolar murojaatlarini o‘z vaqtida hal etish, mahallalarda olib borilayotgan ishlar samaradorligini oshirish hamda deputatlik nazoratini kuchaytirishga xizmat qilmoqda.