#Ish_reja_ijrosi
Xalq deputatlari Shahrisabz tumani Kengashi deputati I.Yusupov, tuman Kengashi kotibiyati bosh mutaxassisi Alisher Sa’dullayev hamda "Milliy tiklanish" partiya guruhi vakillari ishtirokida 21-Hisor saylov okrugida hokim yordamchisi tomonidan amalga oshirilayotgan ishlar yuzasidan o‘rganish olib borildi.

O‘rganish jarayonida mahallada aholi bandligini ta’minlash, oilalarning daromad manbalarini kengaytirish hamda tadbirkorlik faoliyatini qo‘llab-quvvatlash borasida amalga oshirilayotgan ishlar tahlil qilindi. Xususan, imtiyozli kreditlar asosida o‘zini o‘zi band qilgan fuqarolar faoliyati bilan yaqindan tanishildi.

Tashrif davomida kredit mablag‘lari hisobidan issiqxona tashkil etgan, chorvachilik, parrandachilik, hunarmandchilik va xizmat ko‘rsatish yo‘nalishlarida faoliyat boshlagan xonadonlar holati o‘rganildi. Fuqarolar bilan muloqot qilinib, ularning bugungi faoliyati, daromadlari hamda kelgusidagi rejalari haqida fikr almashildi.