OʻzLiDePning “Xalq bilan birga” umummilliy dasturi doirasida oʻtkazilayotgan “Yaxshilik marafoni” aksiyasi oʻzining mazmun-mohiyati bilan mahalliy kengash deputatlari, partiyaning asosiy elektorati boʻlgan tadbirkorlik sohasi vakillari, shuningdek, yoshlar va volontyorlarning aholiga bevosita yordam koʻrsatishdek ezgu ishlarga keng jalb etilishi bilan ahamiyatlidir.

💡Shu munosabat bilan OʻzLiDeP Vobkent tumani kengashi masʼuli B.Odilov, tuman Kengashi deputati B.Boboqulov tashabbusi bilan Vobkent tumanida tashkil etilgan marafon doirasida hududdagi ijtimoiy himoyaga muhtoj oilalar holidan xabar olindi. Ayniqsa, nogironligi boʻlgan shaxslar hamda yolgʻiz keksalarga alohida eʼtibor qaratildi.

👨‍🦽Tadbir davomida tumandagi “Vobkent”, “Kulolchi” va “Guliston” MFYlarda istiqomat qiluvchi yolgʻiz keksalar hamda imkoniyati cheklangan shaxslar holidan xabar olinib, amaliy yordamlar berildi.

📌Xulosa qilib aytganda, “Yaxshilik marafoni” partiyaviy dastur doirasidagi eng muhim aksiyalardan biri sifatida aholining ehtiyojmand qatlamlarini qoʻllab-quvvatlash, ularning turmush sharoitini yaxshilash va ijtimoiy himoyasini kuchaytirishga qaratilgan ezgu tashabbus ekanini yana bir bor namoyon etmoqda.