Xalq deputatlari Zafarobod tumani Kengashining 4-Navbahor saylov okrugi deputati Eshpulatov Gʻayratjon Eshpulatovich tomonidan Uzun mahallasida joylashgan 10-umumtaʼlim maktabi binosida saylovchilar bilan uchrashuv tashkil etildi. Mazkur uchrashuvdan koʻzlangan asosiy maqsad aholi bilan ochiq muloqot oʻrnatish, hududdagi mavjud muammolarni oʻrganish hamda fuqarolarni qiynayotgan masalalarga yechim topishdan iborat boʻldi.

Uchrashuv davomida deputat tomonidan hududda amalga oshirilayotgan ijtimoiy-iqtisodiy islohotlar, obodonlashtirish ishlari, aholi turmush sharoitini yaxshilashga qaratilgan loyihalar hamda kelgusida rejalashtirilayotgan ishlar haqida batafsil maʼlumot berildi. Shuningdek, saylovchilar tomonidan yoʻllar taʼmiri, ichimlik suvi taʼminoti, bandlik masalalari, yoshlar va xotin-qizlarni qoʻllab-quvvatlash hamda ijtimoiy yordamga muhtoj oilalar holati yuzasidan qator murojaatlar bildirildi.

Deputat Eshpulatov Gʻayratjon Eshpulatovich fuqarolarning har bir murojaatini diqqat bilan tinglab, ularni hal etish boʻyicha tegishli tashkilotlar bilan hamkorlikda amaliy choralar koʻrilishini taʼkidladi. Ayrim masalalar yuzasidan masʼul idoralarga tegishli topshiriqlar berilib, ijrosi nazoratga olindi.