Xalq deputatlari Kattaqo‘rg‘on shahar Kengashining 4-Abdulxamid Majidiy saylov okrugidan saylangan deputati N.Xakimov tomonidan “Qoriravot” mahallasida mahalla xotin-qizlar faoli tomonidan amalga oshirilayotgan ishlar samaradorligi o‘rganildi.

O‘rganish davomida xotin-qizlarni ijtimoiy qo‘llab-quvvatlash, bandligini ta’minlash, muammolarini o‘rganish, oilaviy masalalarda amaliy ko‘mak berish hamda xotin-qizlar faoli tomonidan olib borilayotgan targ‘ibot va profilaktik ishlar bilan yaqindan tanishildi.

Shuningdek, mahalladagi xotin-qizlarning murojaatlari, ularning ijtimoiy faolligini oshirish, ehtiyojmand oilalarni qo‘llab-quvvatlash va mavjud muammolarni bartaraf etish bo‘yicha amalga oshirilayotgan ishlar muhokama qilindi.

Mahallalarda xotin-qizlar bilan tizimli ishlash, ularning muammolariga o‘z vaqtida yechim topish hamda ijtimoiy himoyasini kuchaytirish muhim vazifa ekanligi ta’kidlandi.