ОБОД МАҲАЛЛАСИДА АҲОЛИНИ ИЧИМЛИК СУВИ БИЛАН ТАЪМИНЛАШ ИШЛАРИ ЎРГАНИЛДИ

Халқ депутатлари Янгиқўрғон тумани Кенгаши раиси Мамажонов Равшанбек Раҳмонжонович томонидан Обод маҳалласида аҳолини тоза ичимлик суви билан таъминлаш мақсадида амалга оширилаётган сув тармоқларини тортиш ишлари ўрганилди.
Ўрганиш давомида қурилиш-монтаж ишларининг бориши, қувурларни ётқизиш сифати ҳамда лойиҳанинг белгиланган муддатларда бажарилиши юзасидан масъуллар билан суҳбат ўтказилди.
Мазкур лойиҳа маҳалла аҳолисининг ичимлик сувига бўлган эҳтиёжини қондириш, турмуш шароитини яхшилаш ва инфратузилмани янада ривожлантиришга хизмат қилади.
Ўрганиш якунида ишларни сифатли ташкил этиш, белгиланган муддатларда якунлаш ҳамда аҳолига қулайлик яратиш бўйича тегишли кўрсатмалар берилди.