📚 Xalq deputatlari Nurafshon shahar Kengashi deputati D. Safarova hamda Yoshlar maslahati guruhi raisi I. Omanboyevlar #hududdagi_madaniyat_muassasalari, muzeylar va kutubxonalar holati bilan yaqindan tanishishdi.

O‘rganish davomida quyidagilarga alohida e’tibor qaratildi:

🏛 To‘garaklar faoliyati va moddiy-texnik bazaning holati;

🖼 Eksponatlarning saqlanishi va tashrif buyuruvchilar uchun yaratilgan sharoitlar;

📖 Kitob fondining yangilanishi va yosh kitobxonlar uchun zamonaviy imkoniyatlar (shinam o‘quv zallari, elektron kutubxona tizimi).

"Madaniyat va ma’rifat maskanlari — bu millatning ma’naviy poydevoridir. Bizning maqsadimiz ushbu muassasalarni yoshlar uchun eng sevimli va zamonaviy maskanlarga aylantirishdir," — deya ta’kidladi I.Omanboyev.

O‘rganish yakunida aniqlangan kamchiliklarni bartaraf etish va muassasalar faoliyatini yanada takomillashtirish bo‘yicha mas’ullarga tegishli tavsiyalar berildi.

Nurafshon shahri Kengashi axborot xizmati.