XALQ DEPUTATLARI PAYARIQ TUMANI KENGASHI TOMONIDAN MART OYI ISH REJASINING BAJARILISHI TO‘G‘RISIDA MA’LUMOT

📣Xalq deputatlari Payariq tumani Kengashining oylik ish rejasiga muvofiq, hisobot davrida sessiya kun tartibiga kiritilgan dolzarb masalalar atroflicha ko‘rib chiqildi va tegishli qarorlar qabul qilindi.

✔️Jumladan:

1️⃣O‘zbekiston Respublikasi Prezidentining 2026-yil 5-fevraldagi PQ-48-sonli qarori ijrosi yuzasidan tumanda ko‘p kvartirali uylarni boshqarish tizimini takomillashtirish bo‘yicha amalga oshiriladigan chora-tadbirlar belgilandi.

2️⃣Tumanda jinoyatchilikka qarshi kurashish, jamoat tartibini saqlash va fuqarolar xavfsizligini ta’minlash borasida 2025-yilda amalga oshirilgan ishlar hamda yo‘l qo‘yilgan kamchiliklar yuzasidan tuman IIB mas’ul rahbarlarining hisobotlari tinglandi.

3️⃣“Xavfsiz va ravon yo‘l” umummilliy dasturi ijrosi doirasida yo‘l-transport hodisalarining oldini olish va harakat xavfsizligini ta’minlash bo‘yicha olib borilgan ishlar muhokama qilindi.

4️⃣Korrupsiyaga qarshi kurashish yo‘nalishida “Samarqand suv ta’minoti” AJ Payariq filiali hamda tuman elektr tarmoqlari korxonasida o‘tkazilgan o‘rganish natijalari yuzasidan axborotlar eshitildi va aniqlangan kamchiliklarni bartaraf etish bo‘yicha topshiriqlar berildi.

5️⃣Oliy Majlis Senati Kengashining tegishli qarorlari ijrosini ta’minlash, xususan tashabbusli byudjet jarayonlarini takomillashtirish hamda mahalliy byudjetning qo‘shimcha manbalarini aniqlash va ulardan samarali foydalanish masalalari ko‘rib chiqildi.

7️⃣Payariq tumani hududida “Xotira maydoni”ni tashkil etish, ichki yo‘llarni saqlash va ta’mirlash bo‘yicha 2026-yilga mo‘ljallangan manzilli ro‘yxat tasdiqlandi.

8️⃣“Tashabbusli byudjet” jarayonining 2026-yil 1-mavsumi yakunlariga ko‘ra g‘olib deb topilgan loyihalarni moliyalashtirish yuzasidan tegishli qarorlar qabul qilindi.

9️⃣Ichimlik suvi ta’minoti tizimini rivojlantirish, nasos stansiyalarini modernizatsiya qilish bo‘yicha takliflar ko‘rib chiqildi.

1️⃣0️⃣Tumanning ijtimoiy-iqtisodiy rivojlanishi, aholi muammolarini hal etish, xotin-qizlarni qo‘llab-quvvatlash hamda ularning bandligini ta’minlash borasida amalga oshirilayotgan ishlar yuzasidan mas’ullar hisobotlari tinglandi.

1️⃣1️⃣Mahalliy byudjet ijrosi, daromadlarni oshirish, qo‘shimcha manbalarni safarbar etish va mavjud rezervlardan samarali foydalanish bo‘yicha aniq vazifalar belgilandi.

📊Xulosa

Hisobot davrida Kengashning oylik ish rejasida belgilangan barcha masalalar to‘liq ko‘rib chiqilgan.

🛫Bizni ijtimoiy tarmoqlarda kuzating:

Telegram (https://t.me/Payariqkengashkotibiyati) | Veb-Sayt| (https://kengash.gov.uz/news?region_id=7&authority_id=377) Facebook (https://www.facebook.com/profile.php?id=61576423646308)|instagram (https://www.instagram.com/xalq_deputatlari_kengash/)