MUAMMO YECHIM TOPDI: “OQOSTONA” KO‘CHASIDA YANGI CHIRIOQLAR PORLAYDI!

Xalq bilan muloqot va deputat nazorati amalda o‘z samarasini berdi.

Avval xabar berganimizdek, Uzun tumani, “Oqostona” mahallasi aholisining tashabbusi bilan ma’nan eskirgan elektr tayanchlarini yangilash ishlariga tamal toshi qo‘yilgan edi. Mahallaning fidoyi fuqarolari tomonidan xarid qilingan 35 dona beton ustunlarni o‘rnatish va tarmoqqa ulash masalasi tuman Kengashi deputatining qat’iy nazoratiga olingan edi.

 Natija qanday bo‘ldi?

Deputatlik so‘rovi hamda tuman elektr tarmoqlari korxonasi bilan olib borilgan tizimli hamkorlik natijasida muammo ijobiy hal etildi.

Texnik yordam: Tuman elektr tarmoqlari korxonasi tomonidan maxsus texnikalar va malakali mutaxassislar brigadasi jalb etildi.                                       

 Bu kabi ishlar nafaqat hudud infratuzilmasini yaxshilashga, balki fuqarolarning davlat organlari va deputatlarga bo‘lgan ishonchini yanada mustahkamlashga xizmat qiladi.

O‘z mahallasining obodligi yo‘lida birlashgan barcha saxovatpesha hamyurtlarimizga o‘z minnatdorchiligimizni bildiramiz.