🔷Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq, deputatlar F.Axmedov, A.Mannobov va kotibiyat xodimi N.Kurganova tomonlaridan tumanda aholiga yo‘lovchi tashish bo‘yicha ko‘rsatilayotgan xizmatlar sifati o‘rganildi.

🔷O‘rganish davomida G‘azalkent-Toshkent yo‘nalishi bo‘yicha yo‘lovchi tashish xizmatini ko‘rsatayotgan “Bo‘stonliq Uchar Tulpor” MChJga tegishli mikroavtobuslarda yo‘lovchilarga yaratilgan sharoitlar ko‘zdan kechirildi va aholi vakillarining xizmat sifati bo‘yicha fikrlari tinglandi.

Shuningdek, G‘azalkent-Xumson yo‘nalishida “Chorvoq Media Star” MChJga tegishli bo‘lgan 4 dona kichik avtobus va 25 ta Damas avtomashinalari yo‘lovchilarga tashish xizmatini ko‘rsatib kelayotganligi aniqlandi.

🔷Yo‘l harakati xavfsizligi inspektorlari tomonlaridan G‘azalkent shahrining Xotira maydoni oldida jamoat transportlarining yo‘lovchilarni tushirib-chiqarish uchun to‘xtashlari natijasida tirbandliklar yuzaga kelayotganligi haqida ma’lumot berilib, ushbu tirbandliklarni bartaraf etish maqsadida shu hududda faoliyat yuritayotgan tadbirkorlik subyektlariga tegishli avtoturargoh hududida jamoat transportlari to‘xtashlari uchun bekat tashkil qilish taklifi bildirildi.

🔷Ushbu muammoga qonuniy yechim topish uchun tuman hokimligi mas’ullariga deputatlik so‘rovlari chiqarilishi kelishib olindi.