Xalıq deputatları Bozataw rayonlıq Keńesi Sekretariat baslıǵı, 1-sanlı "Palwash ataw" saylaw okruginen "Milliy tiklanish" demokratiyalıq partiyası deputatı Ibragimov Aziz rayon orayındaǵı 1-sanlı mektebinde bolıp mektep kitapxanası fondı hám ol jerde jaratılǵan sharayatlar menen tanıstı.

Deputat úyreniw dawamında búgingi kúnde mektep kitapxana fondında kitaplardıń saqlanıw sharayatı, mebeller, oqıw zalınıń barlıǵı, mektep oqıwshıları ushın sabaqlıqlardıń tolıq jeterliligi, kórkem ádebiyatlardıń sanı hám sapası talap dárejesinde ekenliginiń guwası bolıp mektep oqıtıwshıları menen sáwbetlesti.

Deputat óz sózinde Kitapxana — bul tek ǵana kitaplar saqlanatuǵın jay emes, al insaniyattıń mıń jıllıq tájiriybesi, ilimi hám mádeniyatı toplanǵan maǵlıwmatlar orayı esaplanıp sabaq kestesine muwapıq, oqıwshılar ushın qolaylı waqıtta ashıq bolıwı, sonıń menen birge mektep kitapxanasına paydalanıwshılar sanın kóbeytiw ushın onda "Jıldıń eń jaqsı kitabı" yamasa "Eń kóp kitap oqıǵan oqıwshı" baǵdarında jarıslar shólkemlestiriw júdá jaqsı nátiyje beretuǵınlıǵın atap ótti.