Deputatlik va ijroiya nazorati: Uzun tumanida bunyodkorlik ishlari ko‘zdan kechirildi

Uzun tumanida aholi farovonligini oshirish va ijtimoiy infratuzilmani yaxshilash borasida 2026-yilgi davlat dasturlari asosida keng ko‘lamli qurilish-ta’mirlash ishlari olib borilmoqda.

Kuni kecha xalq deputatlari Uzun tumani Kengashi deputati, tuman hokimi Xabibulla Bozorov hamda tuman Kengashi deputati Dilafro'z Abdunazarovalar ishtirokida hududlardagi muhim ob’ektlarda o‘rganish ishlari olib borildi.

O‘rganish ob’ektlari va amalga oshirilayotgan ishlar:

Ta’lim tizimini rivojlantirish (PQ-393-son qarori ijrosi):

Deputatlar dastlab “Beshkappa” MFY hududidagi 56-sonli umumta’lim maktabida bo‘ldilar. Bu yerda “Surxon Suv Qurilish” MChJ tomonidan barpo etilayotgan 300 o‘rinli qo‘shimcha bino qurilishi ko‘zdan kechirildi. 

Asosiy talablar va ko‘rsatmalar:

O‘rganishlar davomida xalq vakillari va tuman hokimi tomonidan quyidagi muhim masalalarga urg‘u berildi:

Sifat kafolati: Har bir g‘isht va qurilish materiali belgilangan standartlarga javob berishi shart.

Muddat va intizom: Ishlar tasdiqlangan reja-grafik asosida, kechikishlarsiz yakunlanishi lozim.

Nazorat: Deputatlar tomonidan har bir ob’ektning yakuniy holatigacha bo‘lgan jarayon doimiy monitoring qilib boriladi.