Bugun deputatlar O.Maxmudov, Ch.Yusupov va A.Toshpo'latov tomonidan hududda davlat dasturlari asosida amalga oshirilayotgan qurilish va bunyodkorlik ishlarining borishi ko‘zdan kechirildi.

O'rganishlar yuzasidan tumandagi “Bobur” mahalla fuqarolar yig‘inida "UMARBEK DAVR" oilaviy korxonasi tomonidan to‘yxona va umumiy ovqatlanish shahobchasi tashkil etish ishlari bilan tanishildi. 

O‘rganishlar davomida aholiga xizmat ko‘rsatish sifatini oshirishga qaratilgan zamonaviy to‘yxona va umumiy ovqatlanish shahobchasi tashkil etish loyihalariga alohida e’tibor qaratildi. 

Mazkur yangi maskanlar yangi ish o‘rinlari yaratish orqali mahalliy aholi bandligini ta’minlashga xizmat qilishi ta’kidlandi.

Deputat qurilish jarayonlarining sifati va belgilangan muddatlarda yakunlanishi yuzasidan tadbirkorlar hamda mutasaddilar bilan muloqot qilib, o‘z tavsiyalarini berdi. 

Shuningdek, tadbirkorlik subyektlarini ishga tushirishda yuzaga kelayotgan masalalar joyida o‘rganilib, ularni qonuniy hal etish bo‘yicha tegishli chora-tadbirlar belgilandi.