“Adolat” SDP Peshku tuman Kengashi raisi M. Asadova, So‘sana saylov okrugi deputati J. Abdurashidov, bir guruh deputatlar hamda So‘sana MFY yettiligi bilan hamkorlikda mahalla hududidagi xonadonlar va shu hududda joylashgan 36-sonli umumta’lim maktabida o‘rganish ishlari o‘tkazildi.

Mazkur maktabda jami 446 nafar o‘quvchi tahsil oladi. 2-fevral holatiga ko‘ra, shundan 438 nafar o‘quvchi dars mashg‘ulotlarida qatnashgan, sababsiz dars qoldirish holatlari aniqlanmadi.

O‘rganish davomida maktab atrofi va hududida obodlashtirish ishlari olib borilgani, sinf xonalari toza va issiq holatda ekani, maktabning isitish tizimi soz va barqaror ishlayotgani qayd etildi.

Shuningdek, maktabda yoshlar o‘rtasida jinoyatchilik va ko‘ngilsiz holatlarning oldini olish maqsadida ota-onalar va maktab o‘rtasida doimiy hamkorlik yo‘lga qo‘yilgani, o‘quvchilar muntazam nazoratda ekani ma’lum qilindi. Bundan tashqari, maktab psixologi, xotin-qizlar faollari hamda ota-onalar ishtirokida o‘smir qizlar o‘rtasida tibbiy ko‘riklar tashkil etilgani, shuningdek, targ‘ibot tadbirlari o‘tkazilgani ta’kidlandi.

So‘sana qishlog‘i hududidagi xonadonlarni o‘rganish jarayonida aholi tomonidan elektr ta’minotidagi nosozliklar hamda yer maydonlarini sug‘orishda suv tanqisligi sababli tik quduqlar tashkil etish bo‘yicha murojaatlar bildirildi. Ushbu murojaatlar tegishli tashkilotlarga yo‘naltirildi.