2025 yil 10-11 iyun kunlari bo‘lib o‘tgan IV-Toshkent xalqaro investitsiya forumi hamda xorijiy investorlar kengashi majlisidagi O‘zbekiston Respublikasi Prezidenti Shavkat Mirziyoevning nutqlarida ilgari surilgan eng muhim tashabbus va iqtisodiy
ko‘rsatkichlar mazmun-mohiyati bo‘yicha Xalq deputatlari Guliston shahar Kengashi deputati Lola Kenjayeva o'z munosabatini bildirdi. 

Ushbu forum nafaqat O‘zbekiston, balki butun mintaqa uchun muhim voqea sifatida tarixda qoladigan tadbir bo‘ldi. Jahonning 100ga yaqin mamlakati vakillari, xalqaro tashkilotlar, biznes olami yetakchilari bu forumda ishtirok etishi — mamlakatimizga bo‘lgan ishonch va qiziqishning yorqin ifodasi bo‘ldi. Hukumat va investorlar o‘rtasida ochiq muloqotni ta’minlab bergan ushbu majlisda investisiya muhitini yaxshilash istiqbollari, ishbilarmonlik muhitini rivojlantirish choralari va mamlakatning investisiyaviy jozibadorligini oshirishga qaratilgan aniq tashabbuslar ilgari surildi. Biz deputatlar ham forumda belgilab berilgan maqsad va ustuvor vazifalarga tayangan holda, investisiyaviy muhitni yaxshilash, “yashil” va raqamli iqtisodiyotga asoslangan loyihalarni qo‘llab-quvvatlash ustuvor yo‘nalishimiz bo‘lib qoladi.