🔥 Yong‘in xavfsizligi – barchamizning mas’uliyatimiz!
O‘zbekiston Respublikasining 2009-yil 30-sentabrda qabul qilingan “Yong‘in xavfsizligi to‘g‘risida”gi O‘RQ-226-son Qonuni ijrosini ta’minlash yuzasidan tuman Kengashi deputati X.Saidova,mas’ul tashkilotlar vakillari ishtirokida nazorat-o‘rganish tadbirlari o‘tkazildi. Qonunning asosiy maqsadi yong‘in xavfsizligi sohasidagi munosabatlarni tartibga solish, fuqarolar hayoti va sog‘lig‘ini, mol-mulk hamda atrof-muhitni yong‘inlardan muhofaza qilishdan iborat.
Tadbir davomida aholi yashash xonalari, ijtimoiy ob’yektlarda yong‘in xavfsizligi talablariga rioya etilishi,elektr tarmoqlaridan xavfsiz foydalanish, profilaktik tushuntirish ishlarining samaradorligi o‘rganildi.
Shuningdek, fuqarolarga yong‘inlarning oldini olish, favqulodda holatlarda to‘g‘ri harakat qilish, elektr va gaz jihozlaridan xavfsiz foydalanish bo‘yicha amaliy tavsiyalar berildi.