Xalq deputatlari Qo‘qon shahar Kengashi kotibiyati mudiri A.Nosirov tomonidan deputat F.Mamajonov saylangan "Aziztepa" mahalla fuqarolar yig‘inida O‘zbekiston Respublikasining “Davlat tili to‘g‘risida”gi Qonuni ijrosi yuzasidan navbatdagi o‘rganish ishlari olib borildi.

O‘rganish jarayonida shahar hokimining maslahatchisi D.Alimova tomonidan amaliy ko‘mak ko‘rsatilib, mahalla fuqarolar yig‘inida davlat tiliga oid qonunchilik talablarining amaliy ijrosi atroflicha tahlil qilindi.

Xususan, mahallada ish yuritish hujjatlarining davlat tilida rasmiylashtirilishi, tashqi va ichki yozuvlar, axborot lavhalari hamda fuqarolar bilan muloqotda davlat tilidan foydalanish holati o‘rganildi. Shuningdek, qonun talablariga rioya etish, davlat tilining nufuzini yanada oshirish hamda ish yuritishda yagona me’yorlarga amal qilish masalalari yuzasidan mas’ullar bilan fikr almashildi.

O‘rganish yakunida aniqlangan holatlar yuzasidan tegishli tavsiya va takliflar berilib, “Davlat tili to‘g‘risida”gi Qonun talablarining to‘liq va samarali ijrosini ta’minlash bo‘yicha zarur chora-tadbirlarni amalga oshirish yuzasidan tavsiyalar bildirildi.

Xalq deputatlari Qo‘qon shahar Kengashi